السلام عليكم ورحمة الله وبركاته
لجنه واعضاء وجمهور خلف الشاشات
نص مباشر " وش عنده الدكتور غسان"
اتمنى ان يصل الى بياض قلوبكم وسامحونا على القصور
*طوّل غيابك .. ولا طريتي الجيّه*
*وأنتي غيابك تعب بالحيل كاويني*
*كيّه واذا قلت لك يا دنيتي كيّه*
*كيّه تنومني .. وكيّه تصحيني*
*كيّة بعادك بقت نيرانها حيّه*
*تلهب خفوقي لهب لأنك تركتيني*
*دمعة وداعك ترى ماهي رومنسيه*
*الا رجاوي .. دخليك لا تخليني*
*حرام شوفي سلامك وسّم إيديّه*
*هجرك خنقني قسم بالله يكفيني*
*الكون زحمة بشر كلن مع وُخيّه*
*وأنا وحيد .. وخيالك مستلم عيني*
*يرسم طيوفك مدى وأفلّها شويَّه*
*وأرجع الاقي طيوفك لاعبه فيني*
*لاجيت أبكتب شعر أكتبني مرثيّه*
*ميّت وأقول الشعر ما بيني وبيني*
*دنياي ما أشعر لها بأيّة أهميّه*
*من دون وصلك أحس الكون ناسيني*
*يافرحتي يا إبتسامة عمري وضيّه*
*يا نعمة الله علي .. يحرم ويعطيني*
*يا كل فيصل أنا عشقي .. بأنانيّه*
*ابغاك جنبي طوال العمر ترويني*
*أرويني أكثر تعبت أضماك حنيّه*
*يحييني قربك وغيره إيش يحييني*
*إن قلت هانت تهون بعين مرضيّه*
*ما تهون عندي الين تجين ترضيني*
*عندي سؤال وأبي رد ك بأريحيّه*
*قولي الصحيح .. واعرفك ما ترديني*
*عليك ربي عطاني صك مِلكِيّه*
*وأنتي بمزاجك كذا وشلون بعتيني*