[محسن سبعان]

أنتي قمر ليلي بمسراي بالأمس=وانتي تباريق النويّ و مطرها
القلب من سلهامتك منحمس حمس=يـِحمس ويـِشرب باختلاجة نظرها
لوّ انها تهدى هديناكم الشمس=ولو انّ روحى بينقطف لك زهرها
قطفته لروحك وياليتها خَمس=الحبّ ماء وقلوبنا قد غمرها
تجمعني البصمه وينثرني الهمس=والحبّ جنـّة قوتنا من شجرها
ما قلبي بميّت ولا راسي ِ بعمس=والحبّ نسّ احيا نفوس اعتمرها
ماردّني لجّ تحَت ليله الدمس= والحبّ مركب كلّ موجة عبرها
عرق الهوى فقلوبنا منغمس غمس=تسقيه ترويه ويزوِّد عُمرها
ولمس المحبّ لمن يحبّه مثِل لمس= أصابع ام لطفلها اللي أسرها
معالم الأحباب ما تعرف الطمس=مادام حبّ الله غطاها وسترها
تستكثر اشعاري وهي ما اصّلت خُمس= خُمس المشاعر والشعـِر في أثرها
ومن مدّ لك بالخَمس قم مدّ له خَمس=والحبّ للوافين خيرة قدرها