ياناعس الطرفين يانفحة الورد = ياكل عمري فاتني يا العنودي
أرسلت لك ياصافي النحر والخد = أشواق حب(ن)من خفوق(ن)ودودي
أشتاق لك شوق الصقاقير للهد = وأشتاق لك عد المطر والرعودي
يامنوة الخفاق يامايس القد = يزهر بقربك كل نبت(ن)وعودي
حبل الغلا من بيننا كان ممتد = وعقود ود موثقه بالعهودي
واليوم فرق بيننا نازح البعد = حال القدر من بيننا بالصدودي
ياوجد حالي وجد من حافه البرد = وسط الخلا متصلب(ن) كالعمودي
محبتك في داخلي مالها حد = ياللي بحسنك فقت كل الحدودي
تعال جدد فرحة القلب بالرد = واحكم بنبضه ياعريب الجدودي
طال الصبر ياصاح والحيل منهد = ومجرى دموعي بان فوق الخدودي
أنا غريق(ن)واحتري مدة اليد = عسى بمدتها حياتي تعودي