[محمد بن فراس]

السلام عليكم ...
قصيدة اتمنى ان تنال على اعجابكم


أنا من قبل اشوفك والله أني
أحبك يابعد عمري وكني

أعرفك ولا انا مانيب أعرفك
ولكني عرفتك بالتمني

تمنيتك حبيب ٍ لي وحظي
بيدينه على صدره حظني

ماقصر حظي الطيب وجابك
ومن جابك ونا اضحك وأغني

أنا وشلون ماضحك واتعافى
من جروح الزمان اللي امتحني

لاوالله غير ابضحك واحمد الله
مدامي منك وانت اصبحت مني

بقربك بهزم جيوش المتاعب
وارد الثار وأطعن من طعني

ياعمري يكفي ان ظنك ودينك
من الخالق على ديني وظني

ياحبي الأول الآخر تآكد
ترى ماحد ٍ قبل شوفك فتني

ابد ماحدن فتني من الخلايق
سواك ولاحدٍ غيرك شحني

فـ عمري ما ابي غيرك ياعمري
لاني معك بالوصل أمتهني

غناتي فالعمر وصلك وشوفك
وحبك يالغرام اللي سكني

محمد بن فراس العاصمي