[علي الأسمري]

صلوا على النبي

كم مرّة ادْرُس لِك..وأقول انتبه زين=الوقت ما قصّر و كفّى و وفّى
أدنى زعَل ياخذ على خاطري لين=اشِبّ و أيّام اللهب ما تطفّى
حتى دموعي بالسلف جبتها دين=من كُثر ماتنزف لشيٍّ تخفّى
لاتعتذر وش تُجْبرآسف و مخطين=ولا ترجّاني..ولا تذْكُر أفّا
واِنْ جيت تبكي لي..أنا والبكى وين=ماعاد حتى بالدموع أتشفّى
من وين ماوجّهْت واطلَقْت لي عين=حتى بقايا الشوف للعين قفّى
ماباقي اِلاّ نفضة اغبار..و يدين=تصْفُق على ماصاد ساقٍ تحفّى
أيام وشهور..ومحطّات و سنين=خذا الزمن كامل حسابه و صفّى
تدري..خُذ العاتق..وشبّ الضلاعين=يمكن معا بردي ضميرك يدفّا
بس انْشِدِك..علّمني..أرجاك من فين=آخذ عزا راسي..وقلبي توفّى

وسلامتكم,,,