.
في أوِّل العام الجديد ..
في أوّل سطر ..
يومك عِطر ..
عامَك سعيد ..
وآنا معك طول العُمر ..
شمس وقمر ..
ونجمة تضوّي خطوتك
لو هي بعيد ..
.
.
ياطيبها الرحلة تطول ..
وآنا معك وردة وفا كل الفصول ..
يومك تناديني حنين
وأجيك من بين السنين ..
دعوة رضا ..
مرّت على ساعة قبول ..
.
.
اليوم ميلاد السنة
وانت واَنَا
في أول الحلم الجديد ..
خَلّ الجراح
راح اللي راح ..
ابغى ابتديك بلا عنا ..
عامك سعيد
.
.
يافازة الورد الندي
يدك بيدي ..
نَبـ نبتدي ..
نرسم على سور الصباح ..
ظلّ الغصون النايمة
ونمحي من أوراق السماح
كل الظنون الظالمة
يدك بيدي ..
أبغى أبتدي
فيك السنين الحالمة ..
قَّلي اش تبي ؟ !
بعطيك من عمري ربيع ..
ومن طريقي خطوتين ..
وإن خفت في لحظه تضيع
هذي عيوني نجمتين ..
بـ توصّلك لـ كوكبي
.
.
في أول العام الجديد ..
عمرك مديد
قلبك سعيد
وآنا معك
بس أنتَ قِلّي وش تبي .. ؟!
.