إقتباس:
الرسالة الأصلية كتبت بواسطة
عنود 
كيف ترى التجربة النسائية في آوساط الصحافة والساحة الشعبية ؟ وهل هي قادره عن التعبير عن نفسها ؟
يقول محمد الرطيان عن من يدخل بوابة الشعر ( سيجد عند مدخل الشارع رجل عجوز أسمه الوزن ) هل تتفق معه في ذلك ؟
مارأيك في دخول بعض الكتاب والكاتبات في رواياتهم التركيز على الفضائح الجنسيه كمثال ؟
هل هي وسيلة اسرع للأنتشار ؟
بصراحه هل مررت بخيبة الأسهم التي مر عليها ااغلب الشعب السعودي 
؟
اسمح لي بالعودة 
الأخت عنود..
- أنا أعتقد عندنا شاعرات رائعات ومبدعات كثير ،بس الشعر النسائي شحيح ويمكن يكون ما فيه!!! يعني لما أقرا كثير من الشعر المكتوب بأقلام نسائيه،ما أشم فيه عطر أنثى ولا أشوف أثر لقلم روج ولا مشاعر خاصة جدا بأنثى إلا ما ندر جدا،كل اللي أقراه في الغالب مشاعر وقضايا تتشابه مع مشاعر وقضايا قلم أبو شنب!! يعني من المؤسف أنك تقرا لنزار شعر نسائي أكثر من اللي كتبوه النساء أنفسهم(من حيث الكم والمضمون)،ومرات أتساءل إذا كانت المسأله عامه في كل المجالات الخاصه بالمرأه ولاّ شنهو الموضوع؟! فمثلا أشهر الطباخين رجال مو نساء،وأشهر أطباء أمراض النساء رجال،وأشهر مصففي الشعر رجال..إلخ.نفسي أقرا فعلا شعر نسائي مكتوب بأحمر الشفايف..طبعا أكيد فيه إستثناءات مثل عابرة سبيل رحمة الله عليها وقله قليله غيرها،لكن أنا أظن إن الغالب تقدر تقول عنه شعر لكن ما تقدر تقول عنه شعر نسائي.
- لو كان واحد غير الرطيان كان قلت ما أقدر أتفق أو أختلف مع اللي قاله إلاّ لما أقرا رايه كامل،بس إذا كان اللي قال هالكلام هالمشاغب الجميل فأنا أبصم معاه عمياني،لأني أحبه حبين الأول لشخصه والثاني لفكره.
- أظن أن هذا الموضوع "الجنس" من المواضيع المثيره،واللي تفتح شهية الفضول عند الناس،وتلمس وتر الممنوع المرغوب عندهم،فبالتأكيد أن إستخدامه يساعد على إنتشار الكتابه فيه،لكن فيه من الكتاب اللي "إستغل" هذا الموضوع لصالح عمل أدبي قيّم،وفيه من إستغله لترويج عمل" قليل الأدب" وسيء بنفس الوقت.
- بصراحه لا،أنا طلعت من هيروشيما الأسهم سالم لأني ما شاركت أصلا.
هلا بك يا عنود كل الوقت..