[مسفر الدوسري]

إقتباس:
الرسالة الأصلية كتبت بواسطة سمـا خير

س1 / سؤلي الأول ....بطاقتك الشخصية سيدي الفاضل..؟

.
.
س 2 /أين ولدت ؟ وفي أي حارة ؟ وماهي ذكرياتك ؟
.
.
س 3/علاقتك كانت أقوى بوالدك أم بوالدتك ؟
.
.
س 4/كيف كانت طفولتك ... شقي ..خجول ...ذكي ..؟
.
.
سأعود بأسئلة أخرى ..بمشيئة الله ..

1- مسفر هباش سعود الدوسري
0مواليد الكويت 3/10/ ما فيه داعي للسنه(عشان ماتطلعوني من الموضوع وتقولون ممنوع اللعب مع الكبار)
0 متزوج وعندي 5 أولاد(بنتين وثلاث أولاد)
0 خريج جامعة الكويت - كلية التجارة والأقتصاد والعلوم السياسيه
0 ماجستير إدارة بنكية - معهد الإدارة بالرياض
0 أصدرت ديوانين،"صحاري الشوق" و"لعيونك أقول"،وثالث مشترك مع مجموعة من الشعراء بعنوان "خليج الخزامى"،والآن أجهز لديوان أسمه"ماتخيلني بدونك"،وكتاب عبارة عن مجموعة مقالات إسمه" ما لم أقله شعراً"..
كافي ولاّ أزيد في هالموضوع؟!! أعتقد كافي..
نروح للسؤال اللي بعده:
2- ولدت في مستشفى الصباح في الكويت،وقتها كنا نسكن في منطقة إسمها :الدوغه" في الكويت،إسمها الحالي الفروانية.ذكريات الطفوله كثيره،لكن من ضمن الأشياء اللي أذكرها إني كنت وأنا في المرحلة الإبتدائية كنت أحب التمثيل،وكان عندنا حصة مكتبه في الأسبوع،كان المدرس ياخذ الفصل للمكتبه وكل واحد يقرا كتاب ،وبعد ما نرجع للفصل كان كل طالب يتكلم عن الكتاب اللي قراه،لكن مدرس اللغة العربيه ما كان يخلي أحد يقول عن الكتاب اللي قراه إلا بعد ما أقول أنا،لأني الوحيد اللي كنت أطلع قدام التلاميذ وأحول القصه اللي قريتها لتمثيليه بالحركه والصوت،وكان المدرس والتلاميذ يستانسون من هالموضوع.
3- علاقتي كانت فيهم متساويه تقريبا،بس أنا كنت أحب أبوي أكثر..
4- تقدرين تصنفيني أيام الطفولة شقي طبعا حسب كلام الأهل.