إقتباس:
الرسالة الأصلية كتبت بواسطة
نـــورة العجمي 
اشتقنا لك وجينا نسولف معك شوي
باقي اليوم وبكره استحملينا شوي 
هلا فيك اختي نـوره ومنوّرتنا
تشتاق لك العافية يالغلا
وأنتم مفضّلين عليّ 
انا عارفه اني اللي قبلي ماقصروا في موضوع تصنيف القصايد والخصوصيه وما الى ذلك
وانا اقرا اللقاء مره ثانية تذكرت موقف حصل زمان لما نشرت قصيدة ( من نشدني عن همومي )
وكان من ابياتها
من نشدني عن همومي قلت مدري
....................ناحلٍ حالي وفكري في ذهول
من كلام الناس شوف طعون صدري
.................. ويش اسوي فالعذول وما يقول
ارسل لي احد الشعراء على الخاص , وقال يابنت الحلال انا ناصح , انتي توصفين هيئة جسمك عند الرجال
وهذا مايجوز
شكرته وقلت جزاك الله خير
شوفي يالغالية أنا شاعرة وأنتي شاعرة نثق بأن قاريء الشعر ذكي وذكي جداً وهناك تفاوت كبير في عملية فهم النص فـ البعض يفهمه بطريقة سطحية والبعض يؤوله بطريقة غريبة والبعض الآخر يتعمّق في فهمه للوصول إلى أبعاده الحقيقية.
بعض النصوص تفتقد الهويّة النسائية ولا نستطيع أن نكون كـ النعامة ونتعامى عن ذلك .. ولكن إن كان النص يُـثبت روح كاتبته وشاعرته فـ لما الإلتفات لتلك الأصوات النابيّة هؤلاء هدفهم زعزعة ثقة الشاعرة في ذاتها فقط لاغير.
والله اني سعيدة فيك يامزون
الله يحفظك لنا
يعلم الله سعادتي أكبر غاليتي نوره
والله يحفظ لك غاليك ياراقية 