مُناي ..
باح عن صمته الناي ..
وضح صوته .. وشح عن سكوته .. في رجاي ..
بقولة : أحبك .. أحبك يا مُناي ..
سكروا بوجهي الباب .. زودوا فيني العذاب
وأنا في هالمدى .. ألمحك مثل السراب
ما وصلك الصدى .. ما سمعت الندا .. جاوب نداي ..
مُناي ..
باح عن صمته الناي ..
ليه في بداية الدرب .. الطويل .. شقا
وفي نهاية الحب .. مستحيل اللقا
تعب هذا القلب .. من ليل .. وفرقا
على التعب أنا مجبور ..
وفي التعب .. ما يستريح الشعور ..
لين ما أقابل النور .. وأعانق رمش الشعاع ..
في زحمة البحور .. وفي هذا الضياع ..
باح عن صمته يقول :
يا أرضي وسماي .. تمنيتك هناي ..
مُناي ..
باح عن صمته الناي ..
في الصعب .. عشقنا .. وهوينا المستحيل ..
في الصعب .. حبينا .. ولقينا الدليل ..
دليل المحبه .. دليلنا في الغربه
لكن ضعنا في الرحيل .. وضاع منا الخليل ..
سرينا بالأمل خطوه .. وخاويناه
مشينا للأمل البعيد ..
نسينا الزعل والقسوه .. وجافيناه
ليهنا بالغناء والتنهيد ..
باح عن صمته يقول :
يا حياتي والماي .. هقيتك هواي ..
مُناي ..
باح عن صمته الناي ..
سنين .. أنا تايه في الطريق ..
وفي مكاني أحوم .. أدور عن خيالك ..
مسكين .. مالي بالدنيا رفيق ..
من كل شي محروم .. حتى من دلالك ..
تهمني يا عمري أحوالك .. تهمني
طمني يا روحي بسوالك .. وضمني
لمني .. من جور الزمن .. والناس
لمني .. من هذا الوهن .. واليآس
باح عن صمته يقول :
يا جرحي ودواي .. حبيتك معاي ..
مُناي ..
باح عن صمته الناي ..
وضح صوته .. وشح عن سكوته .. في رجاي ..
بقولة : أحبك ..
أحبك .. أحبك يا مُناي ..