يطرووونه ..
يطرووونه .. وأعدّه اي شخصٍ مرّ من جنبي
وأداري دمعتين وقفّت .. بين الهدب والنون
وانا ثوبي على قدي..ورجلي خابره دربي
ولا اشكي الاّ لربٍّ كوّن امره بين كاف ونون
ويطرووونه ..
وجاك الشوق \ ينثرني \ وينثربي
جروووح \ وذكريات \ واسئله \ كيف؟ ومتى ؟ ووشلون؟
تقل ماكنّه اللي من سنين طوال يلعب بي
وترك في صدري الضيّق فرااااغٍ .. ماملاه الكون!!
لك الله من ثمان سنين .. ويش انسى / ووش اغبّي
وريحة عطره بثوبي وبشماغي .. تقول دخون
خذتني شرهة المركى .. وودّ الساااق يهربي
هروج النقص ملعوووونه .. ومطريها بعد ملعوووون!
وانا وجهي \ يقول لعاذلٍ طرّاه \ يشمت بي :
كفايه \ لاتزيد اوجاع قلبي \ جعلك الطاعووون!!
اجل ليش اتضاااايق لو سنين العمر تغدربي
مادام انه غدى حتى الوفااااء في هالزمان يخون ؟
يطرروووونه ..
يطررووونه .. واذا كابر هواه \ وكذّبه قلبي
تقووول العبره بعيني : على هامان .. يافرعون!!
11 \ 8 \ 1418 هـ