[نوف الثنيان]

ليتها تِزهِر بك غصون الوفا
لأجل قلب فالمحاني كم هواك

انت تخلص له ولا تِطري الجفا
وهُو همّه يا بعد نَبضه رضاك

وإن خَطَيت افـ..يوم ..لي قلبٍ عفا
وان زعلت افـ..يوم..لي صدر احتواك

خلّ شمس الوقت تملانا دفا
وخلّ بَرد الليل يغفي في دفاك

مد حبل الحلم من سور الصفا
دام لي ظلٍ تربّى في حماك

وإن ظهر فينا غرام وما خفا
ماعلينا دام تاريخي معاك

انت حتى الموت كنّك له شفا
لو يموت الحب يبقالي غلاك