الموضوع: معايدة
مشاهدة مشاركة بصفحة مستقلة
قديم 15-10-2009, 00:39   #1
بوعبداللـه
شـاعر
 

معايدة

العيد شرف حامل(ن) حلو الاحساس
إحساس منهـو زف كـل التهانـي
عيدك سعيد(ن) يا شبيه(ن) للألماس
يا عيد فطري سيـد كـل الغوانـي
الشاعر اللي كل ما هـب نسنـاس
فلّ الشعر وجـاب حلـو المعانـي
أنت الهنا للقلب يا عـذب الأنفـاس
قربك فرح وطول بعـدك شجانـي
يا خلي اللي بالشرف راف الـراس
يشهد بهـذا كـل قاصـي ودانـي
يا بو عيون(ن) كنها عيـن قرنـاس
اللـي هدبهـا روّح العمـر فانـي
الحب فيني يـا حلـو دون مقيـاس
قلبي يبيـك ولا يبـي حـد ثانـي
والله لو دونك جنـود(ن) وحـراس
لا جيك ما همّ الخطـر لـو رمانـي
أصليت قلبي يـا حبيبـي بمحمـاس
وارهيـت بالدلـه عـذاب المحانـي
العيد ما يحلى ولو كثـرت النـاس
إلا بقربك يا هـوى قلـب عانـي

بوعبداللـه غير متواجد حالياً   اضافة رد مع اقتباس