.
السلام عليكم ورحمة الله وبركاته
مشاركه إولى بأبيات متواضعه
لعل وعسى أن ترتقي لذائقتكم
ياصاحبي لولا الغياب اللي ملا الدنيـا حضـور=مايصبر العاشق على الفرقا ليـا طـال الغيـاب
يامن غيابه يجـرح الخاطـر ويثـر بالصـدور=عليـك يامكثـر مشاريـه المحبـه والعـتـاب
مثلك ليامن غاب دون أسبـاب ماهـو بمعـذور=لون عذرك مثل عذر الأرض لاشـح السحـاب
والحب شي(ن) ماتوصفه المشاعـر والشعـور=سهم الهوى لاصاب وش يشفي مجاريح الصواب
لولا الهوى ياصاحبي ماكثرو أصحـاب القبـور=ولولا الجفا ماتعرف العشاق وش معنى العـذاب
ولولا الرجا ماكان به قلب(ن) على الدنيا صبور=ولولا الأمل ماتتعب الأقدام من طـرد السـراب
ولولا الحزن مافيه طعم(ن) للسعـاده والسـرور=ولولا القمر صارت ليالينا مثـل لـون الغـراب
وأنا على الفرقا صبرت سنين وأيـام وشهـور=ليتك تشوف اللي فعله الشيب في راس الشبـاب
يانور عيني مابقـا فـي غيبتـك للعيـن نـور=أرفق على قلب(ن) من الهجران والأحـزان ذاب
الأرض من تحت العباد إتـدور والدنيـا تـدور=والعمر مره ,, والفرح ليله ,, والأيام إغتـراب
؛