[متعب العالي]

بسم الله الرجمن الرحيم
اليكم هذه القصيدة تعبر عن نفسها وشاكر ومقدر لكم مروركم العطر

العين وقفت والبرد وسطهـا ذاب
واردفت بالونه ومركـاي كوعـي
كل السبب تافه وهو ضمن الاسباب
خيم على قلبي وسكـر سموعـي
وياناشد عن هالسبب وجه خطـاب
لن كان من حقك تحب الفزوعـي
ترى السبب غرو يوشر بالاهداب
ومن نضرته قامت تحطم ضلوعي
غرو فتني واشهد الغـرو جـذاب
واصبح يراقب جيتـي والطلوعـي
هذي ثلاث ايام والقلـب مرتـاب
مدري بلاه محـب والا جزوعـي
من قو مابه عنف وقف على الباب
خطوه قدم يصبح فـواد نزوعـي
وبيني وبين القلب وقفات وعتـاب
واقول في نفسي ماغير طبوعـي
آبوك يالمزيون دور لـك اسبـاب
دور هواك اليوم عنـد الرجوعـي
مالك ومال الـي يفتـل بالاشنـاب
راع السخا الي فالمراجل طموعـي
واشهد شهادة حق مانـي بكـذاب
مليت من شوفتك وانتي فروعـي
خوفي من الله يكتب لنفسي عقاب
وانا لرب البيت سامـع وطوعـي
ماقول انا ماحب لاكن من اسبـاب
حبي عفيف وخابرينـه ربوعـي
حبي ليامنـي تخيـرت الانسـاب
وحبي لياصليت وسـط الجموعـي
وحبي لياذكرو هل الطيب الاشناب
ولياني معاهـم يالبنيـه فزوعـي
وحبي علوم رجال من كل الاطناب
هذا هوا بالـي وهـذي طبوعـي
مريت في بندة وشاهدت الاعجـاب
ميزت حال الناس فأثناء سبوعـي
ناسِ تبي درب المراجل وتنسـاب
وناسٍ تبي درب الفلس والخلوعي
ويالله ياربـي ويـارب الاربـاب
ياجاعلٍ فالخلق عاصـي وطوعـي
اجعل لعيني ستر يارب واحجـاب
عن المعاصي ياجميـل الطبوعـي


تحياتي متعب العالي