إلى ذائقتكم الكريمة .. وكل عام وأنتم أجمل .. وأحلى قصيدة
؛
ما تشوف عيني .. كحل عينك
ما أشوف يديني .. تضم يدينك
وينها أيامك يا عيوني ؟
وكيفها أحلامك بدوني ؟
يا أول من أجي له .. وأحكي
يا أول من أحكي له .. وأبكي
وينك حبيبي .. ؟
:
.
:
يا نجوني .. شوفي همومي
وبلغيه في سهر الليالي
إني أبكي .. ونفسي أشكي
بين أحضانه وعن آمالي
إني أكون منه قريب
وإن ماله غيري حبيب
وينك حبيبي .. ؟
:
.
:
تعال قرب .. ولا تهرب
وشكل خيال أحلامي .. وتلوينه
تعال إعزف .. ولا تنزف
وإسمع موال غرامي .. وتحلينه
إنت عمري يا كل العمر
وإنت فجري يا أحلى فجر
وينك حبيبي .. ؟
:
.
:
زادت شجوني .. زادت ظنوني
وأنا بالي من شغل فيك
تعب صبري .. تعب فكري
وأنا أسأل وأدور عليك
إنت الأماني يا كل الحنان
وإنت زماني في كل مكان
وينك حبيبي .. ؟
:
.
:
تعال .. نعيد أشواق السنين .. اللي طافت
ونداوي الجروح اللي بانت
تعال .. نقيد شموع الحنين .. اللي ذابت
ونلم الحروف اللي تاهت
وينك حبيبي .. ؟
وينك حبيبي .. ؟
؛