,,
مدري في المواقف الناس وش يقولون لكن الأقرب تنذكر وماتنعاد
أنا موقف صار لي كرّهني أشوف رقم غريب ع الجوال وهذي السالفة :
أول يوم بالجامعة وكاشخة بجوالي ولسى رقمي جديد مايعرفه غير أهلي وبنت خالي
المهم أبوي يوم وصلني للجامعة وهو يقول: (انتبهي يابنيتي من الجوال مو تعطين أي بنت رقمك..
ولا تجلسين تردين على أي رقم... ومن هالكلام) عاد أنا أرد على أبوي تبشر ولا تخاف على بنيتك ,,
دخلت الجامعة جلست شوي إلا متصلة علي بنت خالي وهي في الكلية سولفنا على هاك
الصباحية وسألتني متى تبدأ محاضراتك وقلت لها على 8 , قلت لها خلاص باقي ربع ساعة على محاضرتي
بأروح أشوف المبنى والقاعة فين مكانها , أوكي ,, أوكي وقفلنا ,, شوي يجيني إتصال من رقم غريب ؟؟؟؟
ما أعرفه ؟؟ أول مرة مارديت !! ثاني مرة قلت أفتح الخط وإذا بنت رديت .. وإذا طلع رجال قفلت !! 
المهم رديت وأول ماسمعت الصوت سكرت الجوال وطنشت طبعاً الصوت ما قدرت أميّزه .. شوي يوصلني مسج
يقول فيه ردي وبإسمي كمان؟؟!! يادي المصيبة وأفتكرت كلام أبوي الصباح في هالوقت جاتني وحدة من
صاحباتي وحكيت لها ع اللي صار قالت هاتي أنا أرد!! قلت لا أبوي يذبحني .. قالت بلا هبل ابوك يذبحك
على أيش وش سويتي أنتي .. المهم ردت هي وقال أنا عند بوابة الجامعة حتى قال رقم البوابة
(غربية 2) ولابس غترة بيضا وسيارتي لكزس أبيض ومعي مسبحة زرقا !!!!! طبعاً أنا سامعة هالكلام
اسبيكر .. أنا طحت وأنهرت ودموع وبكا وش هالمصيبة ولا خطر في بالي إنه ممكن يكون مقلب
من بنت خالي وصاحباتها في الكلية فيهم وحدة صوتها ضخم شوي والأخت ماقصرت ضخمته زيادة معي
موقف ضيّع علي يوم دراسي كامل أربع مواد ولا محاضرة دخلتها والموقف استمر من 8 الصبح لين 1ونص
وأبوي كان حـ يجيني على 2 وكنت بأموت من الرعب ..
والله أني مرضت بعدها ,, ولا أعرف حتى أرد بمقلب (آخر خيابه تودي بداهية
)
كرهت الجوال والأرقام الغريبة ليومكم هذا وانا ما أرد عليها أبد أبد أبد
البنت هلالية من المسبحة الزرقا وكرهت معها الهلال واللكزس والغترة البيضا كمان
,,