شعبيات - مشاهدة مشاركة بصفحة مستقلة

عبدالرحمن الربيّع · 04-09-2009, 02:12

انا والموتر على السطحه

هذا الموقف ذكرته بعد ماشفت حلقة طاش ماطاش تبع السطحه

مره من المرات كنت جاي من الشرقيه مروق وما عندي خلاف وقبل الرياض بـ 200 كيلوا حسيت بصوت في السياره وولعت عندي لمبة البطاريه بس ماشيه السياره وطنشت وداعس بس خففت من السرعه شوي ..
وشوي الا العزم حق السياره يقل شيء فشيء لين قالت السياره هذا مكاني !!
المشكله كنت معزوم ومتوقع اوصل على الوقت بس امر الله شق القربه ..
عدل بدل واوقف على جنب ووقتها كان الجو بااااارد موت شغلت الفلشر ونزلت وفتحت الكبوت الا السير منقطع حق الدينمو ولا عندي سبير ولا ادري وش اسوي ..
الساعه كانت تقريبا عشره بالليل واجلس انتظر احد يوقف ما فيه امل !!
ويوم طول الوقت قلت ما لي الا ادق على امن الطرق ويردون علي وما قصروا ويرسلون لي دوريه وعلى ما بال وصلوا كنت جمدت من البرد وادرو لي شي يدفي والقى بعض الخشب والالواح وبعض الخشاش واشب فيه واجلس اتدفى وانتظر ..
ويوم جت الساعه 12 بالليل الا هذا واحد في الدوريه جاي ومعه واحد ثاني ويقف وراي وينزل بس رهييييييب ودمه عسل الله يذكره بالخير ويشيك على السياره وقال ما فيه حل الا نتصل على سطحه ويودونك للرياض اقرب لك والله يعينك ..
ويجلس معي يسولف ويتدفى معي الين جت السطحه يسوقها فلسطيني شايب وينتظر الين ركبو السياره واخذوا بعض المعلومات وشخصت مع السطحه وما رضى يشيل السياره الا بـ 500 ريال بس وش اسوي المضطر يركب الصعاب ..
ويالله حلها مع هالشايب يالله يمشي ودينا وكل شوي اتافف يقول طول بالك ياابني وانا اقول اللهم طولك ياروح ..
قال وين تبي اوديك ياابني قلت اذا الله كتب ووصلنا على خير اكيد ما راح القى ورش بالصناعيه وفاتحه الا الصباح تدري ودني للبيت فيه ورشه قريبه من البيت بحطها عنده والصباح رباح قال ماشي وطول بالك ..
وصلت تقريبا 2 بالليل وانا ما اشوف الطريق وظهري تكسر من السطحه وننزل السياره عند الورشه وقلت ذبني في البيت ويالله وصل البيت حوالي 3 الفجر ..
ويم جا الصباح ابي اقوم ابي ماش متكسر قلت خلها لين العصر واروح العصريه ويشوفون السياره ويالله لقيت لها سير ومتى خلصت الا على العشاء وتنكدت تنكيد له العجب واليوم الثاني رجعت للشرقيه يعني جيه مال امها داعي هذا غير الاتصالات علي من اللي عازمني والاهل اثناء التاخير وكانت رحله شاقه من جد ..
وتنذكر ما تنعاد ان شاء الله

04-09-2009, 02:12	#17
عبدالرحمن الربيّع رفيــق الحــزن	رد : يوم في حياتى .. انا والموتر على السطحه هذا الموقف ذكرته بعد ماشفت حلقة طاش ماطاش تبع السطحه مره من المرات كنت جاي من الشرقيه مروق وما عندي خلاف وقبل الرياض بـ 200 كيلوا حسيت بصوت في السياره وولعت عندي لمبة البطاريه بس ماشيه السياره وطنشت وداعس بس خففت من السرعه شوي .. وشوي الا العزم حق السياره يقل شيء فشيء لين قالت السياره هذا مكاني !! المشكله كنت معزوم ومتوقع اوصل على الوقت بس امر الله شق القربه .. عدل بدل واوقف على جنب ووقتها كان الجو بااااارد موت شغلت الفلشر ونزلت وفتحت الكبوت الا السير منقطع حق الدينمو ولا عندي سبير ولا ادري وش اسوي .. الساعه كانت تقريبا عشره بالليل واجلس انتظر احد يوقف ما فيه امل !! ويوم طول الوقت قلت ما لي الا ادق على امن الطرق ويردون علي وما قصروا ويرسلون لي دوريه وعلى ما بال وصلوا كنت جمدت من البرد وادرو لي شي يدفي والقى بعض الخشب والالواح وبعض الخشاش واشب فيه واجلس اتدفى وانتظر .. ويوم جت الساعه 12 بالليل الا هذا واحد في الدوريه جاي ومعه واحد ثاني ويقف وراي وينزل بس رهييييييب ودمه عسل الله يذكره بالخير ويشيك على السياره وقال ما فيه حل الا نتصل على سطحه ويودونك للرياض اقرب لك والله يعينك .. ويجلس معي يسولف ويتدفى معي الين جت السطحه يسوقها فلسطيني شايب وينتظر الين ركبو السياره واخذوا بعض المعلومات وشخصت مع السطحه وما رضى يشيل السياره الا بـ 500 ريال بس وش اسوي المضطر يركب الصعاب .. ويالله حلها مع هالشايب يالله يمشي ودينا وكل شوي اتافف يقول طول بالك ياابني وانا اقول اللهم طولك ياروح .. قال وين تبي اوديك ياابني قلت اذا الله كتب ووصلنا على خير اكيد ما راح القى ورش بالصناعيه وفاتحه الا الصباح تدري ودني للبيت فيه ورشه قريبه من البيت بحطها عنده والصباح رباح قال ماشي وطول بالك .. وصلت تقريبا 2 بالليل وانا ما اشوف الطريق وظهري تكسر من السطحه وننزل السياره عند الورشه وقلت ذبني في البيت ويالله وصل البيت حوالي 3 الفجر .. ويم جا الصباح ابي اقوم ابي ماش متكسر قلت خلها لين العصر واروح العصريه ويشوفون السياره ويالله لقيت لها سير ومتى خلصت الا على العشاء وتنكدت تنكيد له العجب واليوم الثاني رجعت للشرقيه يعني جيه مال امها داعي هذا غير الاتصالات علي من اللي عازمني والاهل اثناء التاخير وكانت رحله شاقه من جد .. وتنذكر ما تنعاد ان شاء الله التوقيع: وين اروح ؟ وانا باقي في قلبي جرووح !