.
يازينها ياسعود .... فرحة حمــاده = يفرح ... بشهر الخير ... في كل الاعوام
ياسعود ... يازين الطفل واجــتهــاده = ماهو لـأنه بالشهر يعتبر صـــام
ياسعود ... مايستقبله .. بالعباده = يستقبله ... ياما حلا ذيك الافلام
يالله حماده ... مد لي بالأفاده = قلي علام الناس ... عاشت بالاوهام
ياكثرهم مثلك ... تعيش انحياده = ضيعه عن دروب العلا درب الاسلام
ناسن لحبس النفس مابه إراده = يفوز به ذاك الجهل .. صنع الاعلام
يعني يبي يبحث لأجره زيــاده = هذا ومثله ... بالذكر ... كود صيام
بعد رمضان يقول دوك استفـــاده = كان البطل بالفلم ... مذهل ومقدام
يحول لامن صار هذا اعتقاده = جهال بالعرفه .... على الدين عزام
ياسعود ... ويش الفايده من جياده = لا صار خيله خاليه ... مابها لجام
بالله قولوا وين درب السعاده = لا صار دينك .... مجمله ذيك الاحـــلام
ماقلت لك ياسعود ... فرحة حماده = مثايله ... ياكثرهم ... كل الاعوام
.