[حنان العجمي]

السلام عليكم ورحمة الله وبركاته

عندما كتبت القصيده هذه كان مطلعها [ لا الوقت وقتي ولا الزمن ذا ماني ] وهي زبدة موضوعي وإكتشفت بعد اسبوعين من كتابتها أن هناك من سبقني وكتب هذا الشعور وبعدها آمنت بتوارد الخواطر وتشابهها وإضطريت لتغييرها .. وعسى أن تنال الرضى ..

توّي إقتنعت إنّ [ الزمن مو زماني ] = وأكبر دليل إنّي قبل [ما توفقّت]!
عييّت أطيع الوقت لنّه عصاني = غصبت نفسي بالرضى ثمّ توهّقت
تعبت أشتتني لـ..قاصي وداني = كنّي بعين الكلّ ( حلم ) وتحقّقت!
أوزّع إحساسي عليهم أغاني = وهبّت رياح (الآه) يومي (تشقّقت)!
ألبس من أوجاعي وجروح المحاني = أتزّين بحزني وبتيهي تنسّقت !
في عين خلق الله مانيب أعاني = وفي عين روحي أشهد إني ( تمزّقت)!
كل ما رسمتك شعر ضاعت أماني ! = لجلك (بيدّين التعشّم) تعلّقت!
تذكر مواويل الشتا / والحناني = ويوم إني أخجلتك بطيبي ودنّقت؟
تذكر أرتّبني وأعطّر لساني = من شان عينك رغم حزني تلبّقت !
ماهمنّي منهو تعشّى ورماني = يكفيني إنّي صرت أميّز وفرّقت:
ما بين منهو (بس) عشاني نصاني = وفي سيرة البايع أبد ما تطرّقت!
ما هو عشان الناس ياخي عشاني ! = روّح .. لأني من عذابي تغلّقت !
قمّ .. علّم اللي من ضميره نساني = بشّرهم اني عن (قناعه) تطلّقت!
ماكل من ضيّع مكاني لقاني ! = بأكتاف عزّي والكرامه تسلّقت!
عزّيت نفسي يوم ربي عطاني = ( درْس ٍ )عن الخملات ..شفني تفهّقت!
[ هذي جروحي أمس وهذا مكاني ] = بذّكر [الباااااااارح] بهم (لاتوفّقت)!

سلام وود