السلام عليكم ورحمة الله وبركاته
أتمنى أن تجد القبول .. وتشفع لي الغياب
هِزّي طرف قلبي المشتاق هِزّي حنيني
************ هِزّي جذوع الولهـ وإجني رطـبْـها غرام
ذوقي عذوقن سقـَـتها بالمحبّـه يميني
************ وإروي بصدري العطش يا مال سقوى الغمام
هلّي مطر وصلك البارد ودونك يديني
************ تغْسل جروحي من أمطارك وتنهي الخصام
جودي بغيث المودّه والوفا في سنيني
************ لا من سقـتْـني ليالي الضيم كاس العسام
لليل جمره وهَجْها بالوجع يكتويني
************ وإن لاح في ناظري زولك يحلّ السلام
ولليل قمرهـ سناها يشبهك ياظنيني
************ لا من بدا وجهك الزاهي وطاح اللثام
ما دام ضحكة ثمانك نوضها محتريني
************ باكر يفجّ الضيا رمحهـ بصدر الظلام
يقتل ليالي وجعْـها في الحنايا دفيني
************ واسهر لياليك ياشوقي وبدر التمام
لو كان للزين ذروهـ ما لوصفك وزِيني
************ إنتي لعرش الحلا ذروهـ وراس السنام
ياربة الزين هيا بالأمل طوقيني
************ خلّي قلايد مواصيلك بصدري وسام
...,,,...
وسلامتكـــم