|
(طبــــع الفتــــى)
دام الرجـال الها حـقوق ومـعاريف
عيب(ن) عليك الرجل تنقص بحقه
بد الصـنيع وخلـه نفسك كـما هيف
ولا تستمع في قـول جـاهل ونقه
واعلم ترى المعروف يجعلك كالطيف
يرفع مقامك عقـب ما كـان رقه
وان كان تبغى العز والطيب والكيف
خلك كما سنـجار محد(ن) يشـقه
خلك كما قرناس فـوق المشـاريف
عـالي وبهروج الـردى من يدقه
ولا تنشر النمه ولاتنـشر الزيـف
واركد وخل الحـق عندك مدقـه
قلته وانا متعب ولا همني حـيف
وطبع الفتى ياخذ مـراده وحقـه
|