[بدوي في امريكا]

بسم الله الرحمن الرحيم.


تعقيبا على رد اخوي ولد الهاص.

اخي الغالي...قلت انه اطلق ابو خيرين على الملك سعود رحمه الله وانا لم انفي هذا او اعارضه...كل من فيه خير يطلق عليه هذا اللقب والدليل انك اوردت قصيدة في الامير نايف تصفه باوب خيرين...اخي اطلاق الصفه او مدح الشخص بخيره يطلق على كثير من الناس ويصفونهم الشعراء بهذه الصفه.


الملك سعود رحمه الله لم يرتبط هذا اللقب باسمه مثل ما ارتبط ابو شرين بمحمد بن عبدالعزيز( وكذلك ارتبط به ابو خيرين بين الناس). وانا سمعت من كبار ال سعود يطلقون ابو خيرين على محمد بن عبدالعزيز...وقيل انها اطلقت عليه مناقضه للقب ابو شرين( اذا قال احد من وين جيت قال من عند ابو خيرين..لكي ينفي ابو شرين عنه) او مجازا كما قلت حيث ارتبط به اكثر من الملك سعود. وفيه قصائد...منها البيت اللي فوق..وهو يقول سموه..يعني اطلق عليه هذا اللقب..ما قال انت بو خيرين ليصفه الشاعر بهذه الصفه.

طبعا العلم عند الله وقد تكون انت اعلم مني وانا مجرد مجتهد على حسب معلوماتي..لكن الذي خلاني اشك في معلوماتك هي انك قلت ان محمد بن سعود الكبير رحمه الله هو الملقب با بو هلا( اللي هو شقران) من هذه النقطه شكيت في معلوماتك.

حيث ابو هلا....هو سعود بو هلا....اللي هو سعود بن فيصل بن تركي بن عبدالله....اللي هو يصير عم الملك عبدالعزيز رحمه الله...اللي طال عمرك صارت بينه وبين اخوه عبدالله معارك وخلاف على الحكم انتهت بضياع حكم الدوله السعوديه الثانيه.


واللي قال فيه راكان ابن حثلين:


يا بو هلا طير الهوى خبث البال.....الطير نزر(ن) والحباري قليله.
وقتها لم يكون محمد بن سعود الكبير انخلق.

وكان فعلا معروف بكلمة هلا حيث اذا دخل عليه احد قال يا هلا....وحبوه الناس وبالذات قبائل الباديه..لحبه للقنص وحبه للبر وفتح بابه لهم.

وعندما طرده عبدالله اخوه وصار يحتمي بالقبائل وبعد عن الحكم قال فيه فجحان الفراوي المطيري قصيده يقول:


ان كان جاك سعود يا دار جينا....وان راح عنك سعود رحنا بعد غاد

وهي اطول من كذا ...وان اردتها كتبتها لك.
............... وهذا مؤرخ في كثير من الكتب.......اما بالنسبه للامير محمد بن سعود الكبير رحمه الله عرف بالكرم واكيد انه ابو هلا لانه فعلا كان فاتح بابه للناس..بس ان اللقب هذا عليه هو؟ لا...سبقه سعود عليه من زماااااااااااااااااااااااااااااااااااااااااااااااا اان. قبل لا يخلق سعود بن عبدالعزيز الكبير اللي هو ابو شقران.





تقبل تحيات
اخوك البدوي