.
؛
اهز الليل .. تتساقـط بقايـا نجـوم = ويصفى لي سـواد المظلـم المعتـم
و اردّ ارسم ..على وجهه عتاب ولوم = واشكّل بـه سواليفـي وانـا ارسـم
واشقق لوحته كلمـا غفـاه النـوم= ويصحى بي مع اصحابي وانا احلـم
معي شلفا .. ولي سيفٍ يرد القـوم = ولي بندق علقها من ورى المحـزم
ولي مهرٍ اصيـلٍ ماشـري بالسـوم = سلاله من سلالـة مجـدي الاقـدم
واطوف الارض لا ضايق ولا مهموم = وامر الـدار عقـب الـدار واسلـم
على ذكرى مضت ماكنها لـي يـوم = واغني .. ياعيون الليل .. واتقسـم
الين الليـل يزرعنـي بقايـا نجـوم = وابدد بـي سـواد المظلـم المعتـم
؛
.
.