[عبدالمحسن بن سعيد]

[c]
سيدتي .....

لم يتبقى مني سوى هذه الصفحه ...

فإن شئتي مزقيها ....

أما غلافي فعذراً

إنه إرثاً لإبني الوحيد[/c]

[poet font="Arial,5,skyblue,bold,normal" bkcolor="orange" bkimage="" border="ridge,10,orange" type=2 line=200% align=center use=ex length=0 char="" num="0,black" filter=" glow(color=black,strength=5)"]
أفـا .. قل غيرها ياليل .. متى مات السهر مغبون=متى روّح مسا البارح وجا باكر وأنا واعي
حلفت أرقص النرجس على لحن الندى المجنون=حلفت أطبّع القمرى على كيفي وبأطباعي
جنوني سري الشايع وعقلي جرحي المدفون=ذكرتك أو تناسيتك سوى دامك من أتباعي
بدايه مالها معنى , نهايه مالها مضمون=تعبت أشقلب الدنيا وأعدل فيني أوضاعي
نسيت أقول لأيامي ( على هامان يافرعون)=نسيت أوقف الغربه وأدورها على أصباعي
هلابك دامني مثلك .. كسير وميّت ومطعون=تعال اسكن معي صمتي ولا تنشد عن أوجاعي
تعبت أقول أنا أعمى وغيري له ثمان عيون=كفا لا تنبش بجرح ٍ يقرّب لوية ذراعي
حبيبي والشقا حاصل ولا تسأل شقا وشلون=عذاب إن عشت في قربك وموتي فلـّة شراعي
نعم قد قلتلك بأبقا معك واللي يكون يكون=وشفني قدها ماقلت لك يابعد مرباعي
نبت مثل الشجر جرحي.. غدا كلي ورق وغصون=عرفت إنه سخيف اللي يحاول ياصل إقناعي
أجل وشلون أبنسى الجرح وفهد عافت يعيش بدون=حرام الوقت يكتبنا قصايد مالهاداعي
وأنا يوم الشليل اللي جمعنا علقته سنون=كتبتك حلم لا جاني دريت إني معك واعي
[/poet]
[c]
يعيش بدون : يعيش بلا اي جنسيّه

الشليل : مجمع الثوب أو حجره ويسمى أيضاً (( الشج )) ويعلقه الطفل
أو الرجل بأسنانه ليسهل عليه الركض
[/c]