[كريم العفيدلي]

ولـــــــــك ياغــــــــــــراب...فراتية





يعتب علي بعض الزملاء بأني مقل في نشر النصوص الفراتية ...
لهم ولكم هذه الورقه القديمة والتي أفتتحها بهذه الأبوذيات الثلاث..
واتمنى ان تحوز على الرضا:



(1)

أمد ايدي على صـدري وادقـه
واشو مامش قـلب ينبض ودقه
حزن يعــقوب راح وراح دقه
وانا ناري علـــيهم دوم حية

(2)

الف علة من الـــفرقا ترى بي
واشوف العين لازالـــت ترابي
أنا لوميت ولــــــموا ترابي
أقومله عظم لو مربــــــيه

(3)

يانار البضمير وكل نوحــــن
عظيمة ولايخمدك طوف نوحــن
سحت ياريم من حبك وانوحــن
مثل مجنون ليلى العـــــامرية






ولك ياغراب
دليني على الخلان...
قربانك
قلبي مورث وعلقان ..
لونو بلون جنحانك
وهو ريع..
وآنا المثل المضيع
ظليتن أباري الماي
كني أم لولد غرقان
أدور هواي ..
وأسأل عنه من شافه
دخيل الله تدلوني...
هذاك العينه حرقة ثوب ..
هو وينه؟!!!
ولك دمعي يحرق الثوب
من بينه!!!
أنا شبيدي بعد ياهواي
اذا دنياي صارت ناي
اذا صبري ضحى دفلة...
وحدر لكلاي
يلوموني ..
لي هما يلوموني ؟!!
سحت مجنون!!
موبيدي ..
ولك هذا الهوى البسكوت
ياسيدي..
ضيعلي عناقيدي ..!!
وصرت ميت ..ولاميت
أمانة وأسألك عنها
أمانة احلفك ياغراب
اذا جاني الأجل هالساع
قلهم لايغسلوني .......
ولاحتى يكفنوني
يودوني ..لعند هواي
من فرط الندى البشفاه
لوهومن عرق خده ..
يغسلني
ويكفني ..
بجفونه القاطعات أميال
تعبانة..
واذا همم يدفنوني
قلهم لا يدفنوني..
يتركوني ..
بين عيونه يدفني
مشان يزوني كل حاز
يقرا الفاتحة لروحي
وهو روحي..
سلام الله على روحي!!!!



الطائر المفقود
الرقة 04\04\2004م