[بـندر العبدالكريم]

ياياسمين الليله مختلفه كثير يمكن تحسّيها فرح ويمكن تقولي اني حزين فتحت لك باب الحكي واضويت للهاجس سنين , مرّت .. وانا للحين مامريت , واطرافي غياب يديني أطول من سما , ورجليني غرس من التراب كل مانبت بي غصن , يبّس غصن وعرّق لي جبين ! أعطيني من لحظة ذهول الوقت ساعه واعفيني من وصل وقطاعه العمر علّمنا نخفّي حبنا نرسم ملامح دربنا ونعيش , لو تملا محاجرنا الدموع لو عشر اصابعنا شموع من الوجع , والليل طاعه وصدورنا مويه وطين ! ياياسمين لو تعرفين ان اصدق احساس الألم , وان اصعب الشوق الدفين وان النذير اللي على المفرق وقف ودّع بـ كفه " أربعين " ! ياللي تعلمتي من البرد القسا لو علمك كيف الحنين ! المدى يقصر , وانا للحين ناطر علّه يطيح من السما حظ وطرف وجهك يبين ..