[مها بنت محمد]

خذ بقايا الحب عن دربي بعيد
........ولا تزيد [الجمر] يا خلي لهب

كل [جرحٍ] فاتني منك ,,,شديد
........ والخفوق اللي بلقياك انسلب

كانت ايامك تراها يوم [ عيد ]
........والدقايق معك احسبها [ذهب]

ضاع عمري فيك والحظ السعيد
........ياخسارة وقتي [الضايع] نهب

آه يا [جرحي] كفايه لا تزيد
........من جروح/ ووخز/وآلام/وتعب

كان نبضك عايشٍ جوا الوريد
........ مع حنايا [القلب] يتنفس سحب

هذا قلبي نبضه الدايم [فريد]
........ما يعيش بقلب مليان / /بكذب

هاك حكي القلب واسمع مايفيد
........ طحت من دنياي كالنجم الشهب