[صالح العبدالكريم]

يا عديل الروح والنيّات حيّه , ميته ................ ما لحق طيب النوايا غير طيب أفعالي يا كثر ما للحقيقه دمع لو هلّيته ............... ما بقى من دربي إلاّ جثّتي وظلالي الكلام اللي قبل لا تنطقه خبّيته ............ أكبر من اوجاع صدرك وأصغر من أحمالي انا ماني ناقص أحزن والتعب ملّيته ............... كان لي عندك معزّه خلّني في حالي من يجي أهلاً وسهلاً ، والحنايا بيته ............... ومن يقفّي بارك الله بالمدى و آمالي لو خذيت من الليالي قد ما أعطيته .............. كان أقلّه ما سهرت البارحه بلحالي لا تشب الجمره اللي بالحشا أطفيته ............ شفني ما صدّقت أشيل السالفه من بالي !