[نوفل الخيل]

صدورٍ ما تبوح الاّ الونين بفقدها الـغــالين = وعينٍ ما تشوف الاّ هــــواها اللي معذبها
ليالٍ عذبتني بالفراق وضحكة الـســالين =على دمع العيون وحسبةٍ من وين احسبّها
اسامر كل ليله فالــسما يا عاذلي نـجـمين=هنيك يالـنـجوم الدالـهـه عن من يراقـبها
واقول الله يعدل مايل الدنيا على الحـيين=يحل المشكله ومسامحتكم يا سبايبهــا
بعد حلو الــسـنين وعـذبـة الايــام صرنا ويـن ؟=نراجع ذكريات الماضي الحلوه ونكتبهـا
تعال اكتب شعر والاّ تعال اقره مع الــغـــاويـن= تعال وشتت افكاري على كيفك ورتبها
نعم لك حق لـــكن حـقـي الغيره مـن الـباقـيـن =أخاف يحل غيري في مداراتي وينهبهـا
على غصن الحمامة خايفه يـــاقع غراب الـبيـن=ولا ذم السنين السود غير اللي مجربـهــــا
عسى عقب القسى والضيق ياهجر الزمان تلين=وعسى عيني توالف نومها من عقب حاربها

الله الله يا نوره لا قوة الا بالله
ويني عن هالرائعه
احساس تالفه القلوب
بوح راقي بلغه عذبه
من جمال هذه الرائعه
وددت ان ابقى معها وقت اطول
فاقتبستها كاملة بهذه الصوره
صح لسانك وسلم نبضك وقلبك
تقبلي احترامي وتقديري
اخوك نوفل