[سطام الشمري]

إرفع الراس وصلّ هامّتك با النجوم=دام تدري خضوعك فيه موت الضمّير
كمّ طريقِ قطعنا يوم حلّ اللزوم=كمّ سرينا الليالي والقمر مستدير
كل ما يروح همّ تبتلينا هموم=كل ما أقطع شعيبِ جيت بحرِ خطير
وكل ما راح عزمٍ قلت هذي عزوم=جيت أنا الخيل يوم إستحملنا الحمير
كل ما أطيح أحت غبار ثوبي وأقوم=دون راس الطويله مارضيت أستخير
مارضيت أتسدّح مثل ناسِ وقوم=يشترون الوزير .. ويشحذون الأمير
دام راسي عزيز(ن) ليه أحب الخشوم !=ليه أحط راسي نعلةٍ للمسير
دونكم قلبي إللي ما يهاب الخصوم=أجمعوا به رماح وحدّ سيفِ شطير
بس يبقى إذا قالوا : عزيز محشوم=علمته الحياه إن الله أكبر كبير