[محمد بن منصور]

السلام عليكم ورحمة الله وبركاته

كل عام والجميع بألف خير

كما هي عسى أن تنال إستحسانكم

!.. أبسكن داخلك وأرجع بدوني ..!

أبنْـثر في فضـا صمْـتك شجــوني = وابدد في مدى وجـهك عيــوني
أبجـْـمع من سنـا نورك شتــاتي = وألمْـلم من دفـــا صــدْرك غبوني
أبنـْساني بصــدْرك ياظنيني = وبسْــكن داخــلك وأرْجــع بدوني
أبي تدفن عيونك في عيوني = وأبي جفنك يلامس لي جفوني
حبيبي يا سما قلبي وأرضي = مشتّـت ضيقتي ويّـا حزوني
طلبْـتك لاتسولف بالمفارق = سوالف غيبتك تشْعل جنوني
تخيّـل في غيابك لو ثواني = سيوف الهمّ تشْعل بي ظنوني
والى طوّل غيابك بس دقايق = أحسّ اني مكفّن في كفوني
وترْجع لي حياتي لا نظرْتك = وأردّد بالغنا صافي لحوني
حبيبي ناجني وانظر بحالي = عسى حالي يبـيّـن لك طعوني
أبي تبني على قلبي حصونك = وانا ببني على قلبك حصوني
أنا رسمه على صفحة حياتك = بدونك مالها معنى ولوني
أنا كلمه على بابك تهادت = تدوّر في صخب صمْـتك سكوني
أبي تمْـطر سما شوقك بوصْلي = وابمْطر من سما وجدي مزوني
وإلى منّه بلل وبْـلك وصلْـني = أبرْوي لهفتي واسْقي غصوني
أبثـْمر في ربا حبك بقربي = وأكتب في صدوري والمتوني
حبيبي يا سما قلبي وأرضي = مشتت ضيقتي ويّـا حزوني
طلبتك لاتسولف بالمفارق = سوالف غيبتك تشعل جنوني