[نورة العجمي]

الرسالة الأصلية كتبت بواسطة منتهى القريش

بغيابكم عيدي
صحرا .. رمل أصفر
روحي أنا فيها
طير وحزن أغبر
يمشي بـ فيافيها
جنحانه مكسوره

لا نبع يرويني
لا ظل يدفيني
لا غصن يأويني
ضاعت عناويني

أشوف الفجر عتمه
أصرخ وصوتي في
قنديل ما به ضي
مات انطفى نوره

والليل قدامي
أشباح أحلامي
تحصد بـ أيامي
أحزاني أقلامي
والدنيا سبوره

أصرخ
وما به صوت
روحي غدت تابوت
كنها مجالس عزا
للحزن منذوره

واعبر على اجراحي
بسكات أعديها
أخاف(ن) أصحيها
ألاقي الألم صاحي
نيران تكويها

أصرخ يفز دمعي
زفره ورا زفره
أكتم صداها آه
أحبسها لا تطلع
للناس .. مجبوره

أسهر بقايا الليل
رمش التعب قنديل
قلبي مداين حزن
صارت مداخلها
بيبان مهجوره

يدق الفرح بابي
واتذكر أحبابي
الـ راحوا ما ردوا
واسكر ابوابي
أخاف الفرح لحظه
ضحكه وتخدعني
أتبعثر .. أتوجع
وارجع الملمني
من يوم ما غابوا
والخوف يسكني
الفرحه في عيني
جرحي وسكاكيني
أشوفها بروحي
بيت انهدم سوره

اجمع بقايا الـ راح
في راحة ايديني
حزن وندم ذباح
ينبت أسى فيني
وابروز احزاني
أنسى اللي بكاني
بس تكمل الصوره

أسهر واسهرني
واسامره ليلي
واضيع في العتمه
بس رمشي قنديلي
واطيافكم أشباح
تعدي على روحي
تعبر وتكسرني
تستعذب اجروحي
اتبعثر .. اجمعني
أحزان في بوحي
درب الحزن مشوار
وصوت الفرح غدار
والخطوه مكسوره

العيد ما هو عيد
من يوم ما رحتوا
مات .. انطفى نوره ..

لا جزء يقتبس
عيدية كامله والكامل وجه الله
رائعة من الألف إلى الياء
مفعمة بالمشاعر والحزن وحرارة الروح
الله لا يحرمنا من قلبك وابداعك
تظلين علم من اعلام شعر التفعيلة النسائي
وفخر لمواسم مع قائمة مبدعيها

ماشاء الله
تبارك الله
دامت روعتك ياشاعرتنا