شعبيات - مشاهدة مشاركة بصفحة مستقلة

عزيز نفس · 21-07-2002, 20:52

اعوذ بالله من الشيطان الرجيم
اخواني وعزوتي وسنايدي واهلي وكل شي بالنسبة لي في هالدنيا ( الله يكفينا شرها )
بصراحة خجلت من نفسي
مادري وش اقول كل هالردود وكل هالكلام وانا مدري وش قاعد انتظر
بصراحة انعقد لساني
وتشتت افكاري يوم شفت كلامكم
قسم بالله اني زريت على نفسي
كيف اسوي فيهم كذا وهم يغلوني للدرجة ذي ؟
كيف ارضها لهم قبل ارضاها لنفسي
ما تتخيلون الى البكاء بغيت ابكي
لكن ربي يجازي نفسي اللي وهقتني

==========
الغالي ابو نوت
العزيز ابو نوت
ربي يسلمك ويحفظك من كل مكروه ويا جعل ايامك كلها هنا وسعادة ولا تشوف الكدر لا انت ولا كل المسلمين
والسموحة وانا اخوك ان كان روعتك ولعبت باعصابك ( بس مادريت ان قلبك رهيف ولا كان مكودها

)
لا والله انك عزيز وغالي ولا ارضى يطولك شي مني
تحياتي لك يا اغلى من الغالي

=========
الغالية سراب الليل
سلمتي يا غالية والله انكم تاج راسي
ولا وربي مهوب تغلي لكن يحز في نفس الواحد يتعب ويدبك بين هالقصيد وفي الاخير ما يلقى تفاعل هذا كل اللي في الموضوع ولا وصلت الجاهيات ولا شي
واذا بغيت جاهيات كانت طلبت شي كايد بس ربك ستر

وبعدين انا مادريت ان المنتدى تحت التطوير ولا كان متغلي من زمان

لا وربي عذركم معكم ولا انا مالي عذر ( اقرب جدار هو عذري

)
وابشرك اني هونت اروح يعني يالله اببط كبودكم
سلامي يا غاليه

=========
اما انت يا استاذي الكبير عبد المحسن بن سعيد
ايه استاذي واستاذي واستاذي غصب(ن) عني
انت الاستاذ الراقي
انت الاستاذ المثقف
انت الاستاذ المفكر
انت المبدع اللي تجبر الجميع على الوقوف احترام لابداعك
ولا قلمي مجرد ناقد لا اكثر ولا اقل
استاذي
انا مساري في النقد هو المراوغة والدهاء مااحب اجرح احد ولا امس كرامة احد
كل املي انه يوصله نقدي باسلوبي الساخر عسى ان يتقبلها والاهم ان لايكون هناك من يحقد علي ةيكرهني ليس لذاتي ولشخصيتي وانما لانني انتقدت قصيدته
وكلي امل ان لا يكون في اسلوب استفزاز لشخص احد ولا مساس بجنابه
وشعبيات لا تتأثر بغياب او رحيل شخص مثل عزيز نفس او بقاءه فالمنتدى ماشاءالله تبارك الرحمن ملئ بالمبدعين في كل المجالات
( لا العزيز ابو نوت ولا الغالي -عبد المحسن بن سعيد- ولا المبدع بدوي في امريكا ولا المتميز المهند ولا الاصيلة جمر الآهات ولا المنفردة بالابداع عبير بنت احمد ولا خفة دم وخفة مواضيع واطروحات سراب الليل .. و .. و .. وكل من في شعبيات )
صدقني اني اقول هالكلام ما ابي يقول عني احد اني اسوي فيها متواضع بالعكس هذه الحقيقة لا احتقار لذاتي ( عزيز نفس واببقى عزيز نفس

) ولكن ما تراه الاعين اكبر من تتكلم به الاقلام
تحياتي لك استاذي الكبير ولابداعك
وعسى الله لا يكدر صفو اللمة الحلوة هذي في منتدى مثل شعبيات
والله يجمعنا وياكم في جنات النعيم في مقعد صدق عندك مليك مقتدر

واعذروني يا جماعة الخير
ارق واعذب تحية لكل من رد على موضوعي واللي بيرد واللي ما فكر يرد ويقول في نفسه ( وش هالبلشة ذا

)

فمان الكريم

21-07-2002, 20:52	#6
عزيز نفس عضو شعبيات	اعوذ بالله من الشيطان الرجيم اخواني وعزوتي وسنايدي واهلي وكل شي بالنسبة لي في هالدنيا ( الله يكفينا شرها ) بصراحة خجلت من نفسي مادري وش اقول كل هالردود وكل هالكلام وانا مدري وش قاعد انتظر بصراحة انعقد لساني وتشتت افكاري يوم شفت كلامكم قسم بالله اني زريت على نفسي كيف اسوي فيهم كذا وهم يغلوني للدرجة ذي ؟ كيف ارضها لهم قبل ارضاها لنفسي ما تتخيلون الى البكاء بغيت ابكي لكن ربي يجازي نفسي اللي وهقتني ========== الغالي ابو نوت العزيز ابو نوت ربي يسلمك ويحفظك من كل مكروه ويا جعل ايامك كلها هنا وسعادة ولا تشوف الكدر لا انت ولا كل المسلمين والسموحة وانا اخوك ان كان روعتك ولعبت باعصابك ( بس مادريت ان قلبك رهيف ولا كان مكودها ) لا والله انك عزيز وغالي ولا ارضى يطولك شي مني تحياتي لك يا اغلى من الغالي ========= الغالية سراب الليل سلمتي يا غالية والله انكم تاج راسي ولا وربي مهوب تغلي لكن يحز في نفس الواحد يتعب ويدبك بين هالقصيد وفي الاخير ما يلقى تفاعل هذا كل اللي في الموضوع ولا وصلت الجاهيات ولا شي واذا بغيت جاهيات كانت طلبت شي كايد بس ربك ستر وبعدين انا مادريت ان المنتدى تحت التطوير ولا كان متغلي من زمان لا وربي عذركم معكم ولا انا مالي عذر ( اقرب جدار هو عذري ) وابشرك اني هونت اروح يعني يالله اببط كبودكم سلامي يا غاليه ========= اما انت يا استاذي الكبير عبد المحسن بن سعيد ايه استاذي واستاذي واستاذي غصب(ن) عني انت الاستاذ الراقي انت الاستاذ المثقف انت الاستاذ المفكر انت المبدع اللي تجبر الجميع على الوقوف احترام لابداعك ولا قلمي مجرد ناقد لا اكثر ولا اقل استاذي انا مساري في النقد هو المراوغة والدهاء مااحب اجرح احد ولا امس كرامة احد كل املي انه يوصله نقدي باسلوبي الساخر عسى ان يتقبلها والاهم ان لايكون هناك من يحقد علي ةيكرهني ليس لذاتي ولشخصيتي وانما لانني انتقدت قصيدته وكلي امل ان لا يكون في اسلوب استفزاز لشخص احد ولا مساس بجنابه وشعبيات لا تتأثر بغياب او رحيل شخص مثل عزيز نفس او بقاءه فالمنتدى ماشاءالله تبارك الرحمن ملئ بالمبدعين في كل المجالات ( لا العزيز ابو نوت ولا الغالي -عبد المحسن بن سعيد- ولا المبدع بدوي في امريكا ولا المتميز المهند ولا الاصيلة جمر الآهات ولا المنفردة بالابداع عبير بنت احمد ولا خفة دم وخفة مواضيع واطروحات سراب الليل .. و .. و .. وكل من في شعبيات ) صدقني اني اقول هالكلام ما ابي يقول عني احد اني اسوي فيها متواضع بالعكس هذه الحقيقة لا احتقار لذاتي ( عزيز نفس واببقى عزيز نفس ) ولكن ما تراه الاعين اكبر من تتكلم به الاقلام تحياتي لك استاذي الكبير ولابداعك وعسى الله لا يكدر صفو اللمة الحلوة هذي في منتدى مثل شعبيات والله يجمعنا وياكم في جنات النعيم في مقعد صدق عندك مليك مقتدر واعذروني يا جماعة الخير ارق واعذب تحية لكل من رد على موضوعي واللي بيرد واللي ما فكر يرد ويقول في نفسه ( وش هالبلشة ذا ) فمان الكريم