اسعد الله مساءكم/صباحكم بكل خير
نعانق الذائقه
على خطى الآمال يمشن السنين=وحظوظ خلق الله يبينها القدر
الصدر يا (ناجي) به الحزن الدفين=وان كان واقت عبرتي معها عذر
لكن يالله عند شامت ماتبين=يفرح بها كنه مبشر في ظفر
الوضع مؤسف لا قرين ولاعوين=والعين شابت قبل اعين لي مقر
سجيت رجلي عن دروب الخايبين=واغنيت نفسي عن مهابيل البشر
اجامل الضحكه واقول الله يعين=والي بصدري ماتحمله الحجر
تعبت اجمع من محاصيل السنين=شوك,,وجمر,,واشلاء الا ماندر
احن واثر الشوق مايبغى حنين=مشاعر غربه وترحال وسفر
والخاطر الي عند ذكر الله يلين=لولاه والا غم وهموم وضجر
احمِد الاهي الي خلقنا مسلمين=والاٌ لكان الكيل من ثقله طفر
يشيب من بعض التصارف الجنين=ويسود قلب الي خبر قلبه خضر
دنيا ومحتاجه تمعًان ويقين=حتى تطاوعنا متاهات العمر
والادمي لو عاش عمره مستهين=قبل عذاب الاخره يخشى القبر