السلام عليكم ورحمة الله وبركاته
مساءكم ورديّ..
هنا بعضي
\
/
دُقّتْ (طبول الحزن )بيدين الأفراح!!=و(استفحل) أمر الثانية والدقيقه!!
والهم دمّر ساحة الفكر واجتاح...=عروق قلبي لين ما جف ريقه
والصبح راح/ومجْهِم الليل ماراح=كنه يزوّد ضيقة الوقت ضيقه
وانته بعد تنشد عن الحال ياصاح..!!=شِفْني بقلبك كان تبغى الحقيقه
مِرْتاح..!لا [واللي ربطنا بالارواح]=ماذِقْت عقبك راحتي لو دقيقه
ماغير أنا وهجوس ليلي ومسباح=وقصايدٍ يـا[نور عيني].. عتيقه
فينا شقى وقت وغرابيل وجراح=وفينا رفيقٍ مايخلي رفيقه..
نتذكرك مع صادق البرق لا لاح=ونتذكرك لا غاب عنا بريقه..
ونتذكرك مع سالي الورق لا ناح=والى بيّتن حمر المدامع غريقه..
يا[نور عيني] والعمر نصفه أنزاح=والنصف الآخر مالقى من يفيقه
لا صار وصلك راحتي كيف برتاح.!=والوصل[تابوت العوايد] يعيقه..!!
هذا سبب همي كتبته وبايضاح=والا العواذل جعلهم في حريقه
يا[نور عيني] واعتبر ضحكي مزاح=اخذ الحقيقة كان تبغى الحقيقة
مانيب والله عقب فرقاك مرتاح=وإن روّحت ضيقة تجي ألف ضيقة..!!
\
/
[ودّي]