[صالح العبدالكريم]

وين بس ودّك تروحي طمنيني انا كل اللي أخافه مو لأنك رايحه مو لأن عيوني راح تكون سود وطايحه ويختفي منّي وضوحي مو لأنك كل شي مو لأني كل ما اشتاق لك أشمّني والقاك فيني فايحه انا كل اللي أخافه لا مشيتي تورق بصدرك جروحي !! شسوّي يعني ، كل فرحه أزرعها بخدودك حزن ................. وأحاول أجمعني عشانك .. وأنتثر كلّي وراك تعبت أدوّر راحتك .. وأصير لعيونك جفن .................. والقاني فجأه منقـتل بيديك ... والقاتل غلاك غلاك غلاك أهلكني وأنا مانيب ناقص من الأصل شاللي تبينه وأعمليه إلاّ يدك إلاّااا يدك خليني ماسكها وإبكي براحتك يمكن بعد هذا البكا نرتاح ويتجدد وصل !