مساكم الله بالخير ..
جديده تأمل مصافحة قلوبكم وملامسة مشاعركم ..
وش العلاقه بين صدّك وصبري =غير إن صدك طال والصبرطوّل
والصرخة اللي ساكنه وسط صدري =أحسّها والله قامت تجوّل
أنا جريح العام والناس تدري=وأحس أنا ما عادني مثل أوّل
ولا لقيت لحالتي حل جذري =الصدق لا قالوا الاول تحوّل
أهديت لك قلبٍ معه حب عُذْري =ماهمني من قال والا تقوّل
ليه الجفا سيفٍ يلوّح بغدري =وين العهود اللي عليها يعوّل
المشكله لأنتَ تقبّلت عذري =ولا أنا قبلت عذرك بالاوّل
لو قلت مهما قلت والله مدري=بس الاكيد ان الصبر حيل طوّل
.
.
وسلامة قلوبكم ..