|
(طبع اهل حايل) والمشاركة الرابعة
الأخوة الأعزاء/ اعضاء وزوار منتدى بوح القوافي هذا البوح الرابع أهديه اليكم
وكلي امل في ان تتقبلوه كما عودتمونا :
ياالأجودي كان انت عني تقصيت
ولقيت عيبي طيب وحلو عيبي
الحمدلله ما عن الضيف صديت
ذا طبع اهل حايل ولاهو غريبي
انا سليل اللي كرمهم تثابيت
اهل الجوار مدلهين الغريبي
(..) فوق الخيل مثل العفاريت
انشد شيوخ مطير هم والعتيبي
افرح الياحل المسايير بالبيت
هذا ولد عمي وهذا صحيبي
وإن كان لجل الطيب عني تنحيت
تلقى وانا القى من الرجال العريبي
اتجارتي ماهي بالأسواق حلتيت
ولاهي مع اللي يجمعون (الذهيبي)
اتجارتي هي عرف كسابة الصيت
عيال الرجال اللي تقز الحريبي
وادخل على الله ماعليكم تعديت
ولا حط اجاويد العرب في نصيبي
لاشك لا جوك الرجال وتعنيت
انص الكرام اللي بعلمه تطيبي
حيث الردي عرفه يجي فيه تشتيت
ولاهو ثبات دوم علمه يخيبي
يغار يبي الناس مثله سرابيت
لا حضروا الأضياف عنهم يغيبي
ماعلموه اهله تفضل وحييت
ومن شبته ماشب ياما يشيبي
ياالاجودي لا تنشده افهم البيت
ردي نفس ولايخاف الحسيبي
صابر ثلاث سنين ماقلت مليت
وعساي الآقي من يوافق العيبي
(الذهيب) =القطيع من الماشية اذا فقده صاحبه يقال له َذهِيب
تمت
|