السلام عليكم ورحمة الله وبركاته
أهداء مني لشعبيات ... أرجوا أتنال رضاكم
يالله صبرني على الوقت وهموم السنين = اللي على الكتف تركي حملها لين استمال
ماعاد يقدر في غثاء الايام والوقت الحزين = وهمومه اللي تعترض للقلب من شرق وشمال
يعيش وقته بين ماضيه ووجاع وحنين = وليا تذكر صاحبه فالماضيات من اليال
يهل دمعه فوق خده بين وقت وبين حين = يطول حزنه مير قلبه مايهمه كان طال
القلب مبطي يجذبه صوت المحبه والونين = واليوم له حاكم وهو عايش بضل الاحتلال
من عقب ماجاء الحب قلبي وسواء له عرين = قلطته بوسط الضلوع بعز ولا طيب فال
والمشكلة روح بعد طول الليالي والسنين = بعَد وانا شفقان في شوفه وعلقة الامال
هو كيف تبعد وتبقيلي عليك اليوم دين = بعدت عن صاحبك يومنه يعدك راس مال
قصيدةً مني لشعبيات بهديها وكل المخلصين = للمنتدى واللي يجيه في كل وقت وكل حال
ضايق وأبا أسمع أصاله تغني مع شرين = يكود بنسى هموم ً على بالي ولا خلت مجال