.
.
اسكن جروحي مدينة وانت حاكمها
....................... ياللي فِتَقْت الحنين بـ / جرحي الغافي
ضميان يا سيّد طعوني و خادمها
....................... شفقان خذني .. وعطني قلبك الجافي
لا طِلت هقوة و لاني قادر اكتمها
....................... تعال شفني بـ / عينك .. تعرف الخافي
يا كثر جيّاتك بـ / عينٍ كنت حارمها
....................... لذيذ نومٍ تعلّق .. بـ / آخر اطرافي
كم دمعةٍ دون مـ / اشعر قمت احزّمها
....................... أجمع شليلي و اجيك بـ / قلبي الوافي
و القاك في غفلتك سالي بـ / عالمها
....................... ما هزّتك لهفتي .. مع دمعي الصافي
يا ملّ عينٍ تكجّ الدمع علّمها
....................... طول الغياب و حنينٍ .. صار ينشافي
يا ذيب ياللي قنيبك نقّّض ابْكَمْها
....................... و خلّى الجروح بـ / ضلوعي تحني اكتافي
اِجمع طريحه و روّح لا ترزّمها
....................... و إلا دخيلك تلمّه .. ما جرى كافي
لك فـ / الحنايا مدينة و انت حاكمها
....................... ياللي نزفْك الحنين و جرحي الغافي ,
تحيّة بحجم نقاءكم ,
رابط النشر :