نص يقرأ من الداخل ..وبعينين معصوبة الهدوء...
يامبعثره في ليلتي غبار الأتعاس=وش به وقوفك ينفتح لي هبايب
غربه إسكنتني وإبعدتني عن الناس=عاشت وفي ثوبي بلاد وحبايب
أشد من أطرافي وانّوخ بالإحساس=دقيت عمري فوق ظلع الهضايب
حيٍ ترى/ مدري أهو بقاعي أنفاس=طلي / وشوفي يارواق السحايب
كلي كآبه تصفر الوحده نسناس=قفره وعناكب حزن فيني نشايب
ماغير أنا في ديرة النفس جلاس=أحطب /واشب قلب ٍجذوعه كرايب
بوجد الرفيق اللي بهـالروح عساس=ذيب الورق لا حسنّي عنه غايب
ودمعٍ رفيفي يثلج عيون الأدماس=يعمي خلاوي الإيد لاسال ذايب
غير السهد بصخرة أهدابي عماس=اللي وطا صبح ٍعلى الشوف رايب
يكفي غرست بروضة الخافق أجناس=وجنيتّها إرماحٍ بظهري نصايب
ويكفي تشربني شقا وشفي الكاس=صدري مآته وأرذل الطلع عايب
ول ياهمومي كثرها تاكل الراس=وكثر ذبول أزمان بغصون شايب
وكثر ميلاد الغيض فرمال يباس=شاف الأمومه شمس صاح العطايب
وش باقيٍ مانقال لاطارت أتعاس=إخذي وقوفك وإقفلي هالهبايب