[عبدالرحمن الربيّع]

بدر ..

الموضوع جدا جميل والاشارات والقصص اللي قلتها أجمل ..

والارزاق بيد الله سبحانه وتعالي وايضا التوفيق من عنده جل شانه ..

والله مقسم الارزاق ولو جريت جري الوحوش غير رزقك ما تحوش ..

وذكرتني في سالفه ما ادري عن صحتها ..

ولكن يقولون ان فيه شخص على قد حاله راح يشتري ارض وما معه الا 45 الف ريال متسلفها ..
ودخل على مكتب عقاري وفيه ناس جالسين يتكلمون عن الاراضي والعقار وفيه ارض يتكلمون عنها وكانت بأربعين مليون ريال وما كانوا يقولون الا اربعين بس ..
وخش صاحبنا عرض وقال ابي اشتريها قالو له معزم قال وفلوسي جاهزه وهو على نياته طبعاً ..
قام واحد وزادها ثلاثه يعني ثلاثه و اربعين واخونا مصر وقال علي بخمسه واربعين ..
هم شافوه واثق ويزود وسكتوا كلهم قال صاحب العقار نصيبك ..
هات عربونك وتوه بيطلع فلوسه وقاطعه واحد وقال انا بربحك زياده مليونين ريال وتخليها لي موافق ..
هنا انتبه الرجال ان الدعوه ماهي الاف والدعوه فيها ملايين وسكت لحظات وجلس يفكر وقال خلاص موافق ..

وكسب كم مليون ريال وهو ما يدري وش السالفه وجاه رزقه وهو متسلف الخمسه واربعين الف ..

وضربت معه صح ..

انا سمعت السالفه كذا ومثل ما قلت ما ادري عن صحتها ..

ويالمال العافيه .