هنا أنحدر لقلبي لأستمع له وأرتشفُ نبضاً ...
يا صدفة جَتْني بالغلط ولا ظنيتها بتكون=يعّرفني عليك الحظ أو إن الحظ ما يدري
طلعتِ منين ما أدري وفوق هذا عليك عيون=ويلعن يومك شنو حلوه بحلا لْزينك سكري
تقولي شدعوه والغيمة بحضورك سولفت أمزون=تقولي (لا) تصيري شمس بفمٍ للسما فجري
هذا ولا تزينتي طبيعية أجل وشلون ؟=تشوفك قمره شتسوي تضف أطرافها وتسري
حلو تشرقني بسماتك أمانة لا يجيني جنون=ضحكتي بصمت وبعتيها بضحكة أثلجت صدري
يا بخته شعرك الريفي على ضفة متن مركون=هنيْ العطر بألوانة يذوب ولا ضوى زهري
سواليفك ترد الروح وقلبي يحسدك بشجون=وعيني باردة بالحسد لو إني داخلي فقري
تروحي ليه تو الناس وتوهّ ما درابك كون=تبين تصحّي خلق الله بنورك تونّا بدري
بفرصة أجمل نلتقي لميعادٍ أبد ما يْخون=قبل هالحظ يجي ويقول لعبتوها ورى ظهري
قلبي: وراحت ....
أنا: وبعدين ...
قلبي: مدري ...