[بدر الزياد]

بسم الله الرحمن الرحيم

صباح الخير لـ عيال النعمة اللي أبيهم يدرررون (يعلمون) و يردووون (يجيبون)
و عيال الفقر أبيهم يقرون (للإطلاع فقط لأنهم أبخص بحالهم) بدون ما يردووون (أتحدى واحد مايرد)

أدري كلكم تبي تردون علي على بالكم "عيال نعمة"

وبعد هالمقدمة أدخل بالموضوع مباشرة
والموضوع بارك الله فيكم رسالة من قراوي (اللي هو أنا) إلى كل من يقرأ ويشاهد ويسمع وإلى كل من تصل إليه رسالتي هذهـ

وبسم الله أبدأ وأنتم حطوا عاد هاتوا اللي عندكم وكل واحد يدلي بـ صطله (دلوهـ)

هالحين كثير من الشباب منغمسين بالنعمة ولايدرون عن عيال القرايا والأحياء اللي ما كتب الله لها نصيب من التطور
ومن كثر ما ربي منعم علينا ماندري أن فيه ناس "يعانون" ويعيشون تحت خط الإستواء قصدي خط الفقر , ومع هالتطور صرنا مثل اللي تقول "عطوهم جاتوهـ" يوم قالوا لها "الشعب مالقلا خبز يأكل" ..
في موضوع لأحد الكتاب يذكر فيه شكوى وصلته من الخطوط السعودية أن 20% لم يحددوا وجهة قضاء إجازتهم حتى الآن!!!
مع أن فيه ناس ماعمره سافر أبد ولا عمره طلع ديرته من 40سنه!!

...

تدرون يا عيال النعمة أن الأسبوع الماضي طاح سقف غرفه على عائلة ولكن فكّهم اللهم الله وإلا كان بيتهم هو قبرهم!!
وسبب سقوط السقف أن البيت شعبي ومبني من أكثر من عشرين سنه وسقف البيت "خشب" من طول الايام طاااااااااااح!!
وتدرون يا عيال النعمة أن راعي البيت "رب الأسرة" عسكري متقاعد وعنده ست بنات 4 أبناء وقدّم طلب للأمارة (أمارة منطقته) يبي تعويض لأنه المسكين مو قادر يبني سقف هالغرفة!!!

تدرون يا عيال النعمة أن فيه شباب تركوا الدراسة بالكلية لأن ماعندهم "وسيلة" توصلهم للكلية ولا حتى مصروف!!

,,
اليوم أكتفي بهالقدر من أخبار العالم الاخر
وغدا لنا لقاء مع أخبار عيال الفقر