[عادل الظفيري]

الرسالة الأصلية كتبت بواسطة نـــورة العجمي

سلام ما هل المطر في واديٍ زرعه عجيب
......... إليا كلاه المستغش أمسى وهو وجعانها

سلام ما حطوا هل الكشتات فالشاهي حليب
......... دام السلام أضحى كليشه .. لازمت سرقانها

يا دارنا حنا ابتلشنا في حثاريب القليب
......... حبل الرشا مظهر لنا حضران مع ذبانها

يا شاعر الحانه هلا والبندق بجنبي قريب
......... ما أرمي بها النصع القريّب واللحم نيشانها

منته قبيلي خابره .. يالمستشك المستريب
......... انا بغيت اللي ( نغزك ) وسلّفك عنوانها

وش عرفك كلمة ( تجذمر ) يالأريب وياللبيب
......... إن قيل لك قل ( عانها ) جيت إتمنطَق (عانها)

تنقل مشاهيب الحطب والا تصدرها لشيب
......... اسفار حاملها ( الحمار ) ولا غذته سمانها

والبل , أعرف وسمها ماهيب من ترثة صِليب
......... اللي وسمها باعها .. واللي شراها هانها

يا ذود هادي او مشبب او شجاع او هو شبيب
......... أو حجه أو مزنه أو إبل إغزيّل وسلطانها

خل الأماره للأمير .. وللضعيف أمر الرقيب
......... ترا الإماره قفّلت من هذرتك بيبانها

كانك تدور للستيره لا تجي دربٍ صعيب
......... نسوانه أرجل يا ولد من ( ..... ) ورعانها

بعض المعاني لو بزيد عيارها قالوا إهييييب
......... الغاشية في سجنها .. وأميرنا سجّانها

ياهويدية عوذي من ابليس الغوي والعيب عيب
......... مالك ومال الفتنه اللي لو زفن شيطانها

يا المستظن بزين فعله ما يجيب اللي يجيب
......... الا بشوري قاضبه سرج الفرس وعنانها

نوره العجمي

ونسخة أخرى من شاعرية عابرة سبيل

قليل تواجدها ولكن كبيرة اثناء التواجد

شاعرة أعتقد أنها ظلمت نفسها بالإحتكار

بمكان واحد كمثيلاتها من الشاعرات

على الرغم من شاعريتها التي لايختلف عليها إثنان