السلام عليكم ورحمة الله وبركاته
دوام القرب يورث الملل..
كما قال الشاعر:- غِبْ وزد غِباً تزدْ حباً
أتمنى قبول هذه المتواضعه..
الفراق أحيان .. ناتجه الحنين=واللقاء ناتجه ..أحيان الملل
خلنا.. نبعد عن العشره إلين=إنتفاهمـ.. ونعرف وين الخلل
ياخشير العمر عند العاشقين=ما يعرف الحب من ينوي الزلل
ماهي إب مره ولا هي مرتين=خافقي من شين طبعك يعتلل
أشتريتك وانت سيد العارفين=الهوى ما هوب يشرى بالهلل
واحتويتك رغم صلفات السنين=وسط قلبٍ ماعرف معنى الكلل
قلت يمكن!! تعرف الوضع وتلين=وتجتنب درب المشاكل والعلل
لكن الأوضاع عيت ما تزين= والمحبه وضعها صابه شلل
بعت كل العمر لجلك والثمين=وماجنيت الا الخطايا والذلل
وكلما عدت الخطا.. في كل حين=أعرف إن الطين زوده البلل
ما يفيد الوضع دامك مستهين =وتمادى في غرورك والدلل
ودي تسمعني.. وتفهم كلمتين=دام هان الأمر والسر أنحلل
وقع بعد اللي تحبه منك شين=مثل وقع الموت والخطب الجلل
بس دامك .. راضيٍ بالوضع زين=باتركك تمشي متاهات الضلل