شعبيات - مشاهدة مشاركة بصفحة مستقلة

عبدالرحمن الربيّع · 21-04-2008, 00:10

مساكم الله بالخير ..

المفاجئه الثانيه لي وماكنت تخطر على بالي ولا بالاحلام

وهي مفاجئتين في واحد مثل بيرت بلس 2×1 شامبو وبلسم

قبل كم سنه كنت ناوي اخت ( اسافر ) لاحد الدير اللي يراح لها بطياره

ولا كنت ابي احد يدري

كنت وقتها في الشرقيه ادرس هناك وكانت فرصه للنحشه من هناك k3
المهم كان فيه اجازه وش لون اصرفهم وش لوووون يادحمي اقصد اهلي المفروض اجي للرياض

دقيت على الوالده وقلت عندي شغل وتطبيق لمده عشرة ايام وبعدها بجي

ومشّيت السالفه عليها الله لا يعاقبني واروح واتقضى للسفره وطبعا لحالي ما معي احد واطق ام التشخيصه واروح للمطار كني فريد الاطرش في فلم لحن الخلود

وبعد ما وصلت اول يوم نمت الين العشاء وقمت وقلت ابروح اتعشاء واتمشى وادوج ودخلت مكان ما <<<< مشفر عشان الرقابه

وكانو حاطين اغنيه فوق هام السحب ويطقني الحماس واقعد اهابد معهم وكان زحمه يادنيا زحمه وانواع الهبال

وانا في غفلتي وانا راجع على وراي الا واصدم في شخص والتفت عشان اعتذر له الا هو احد زملاء الدراسه بشحمه ولحمه ومن زمان ما شفته ونوقف انا واياه فاتحين خششنا ونطالع في بعض

طبعا ماهناك ميانه بيننا ولا كنت ولا واحد في الميه اتوقع اشوفه في هالديره ولهو بعد

وكانت مفاجئه كبيره بالنسبه لي وخصوصا كان يعرف اخوي اكثر مني ومتواصل معه
قلت في نفسي رحنا ملح

بس طلع ذوووق وقال استر على ما واجهت

هذي الاولى !!!!!
الثانيه الرجال هذا عزمني اليوم الثاني في مطعم ورحت له وكان معه صديق له عرفني عليه وجلسنا نسولف عن ايام زمان وحنا نتعشى اطالع بالزاويه هنااااااااااك الا واحد وكان كبير في السن يشيلني ويحطني ويتمقل فيني قلت الاخ مشبه والا شارب والا لحيه

وبصراحه بديت اقلق ولاحظوا اللي معي الارتباك علي وسألوني وش فيك عسى ما شر

قلت لهم هذا الرجال امتحني وهو بيركد والا ابتفاهم معه

قالوا الشباب اركد مانبي المشاكل بس ماش ماهنى لي بال قمت ورحت له وقلت وش فيك انت مشبه ولا مضيع لك مفاتيح في وجهي والا مثقل العيار

ابتسم بكل هدوووء وقال انت ولد فلان بن فلان ؟؟ صح والا لأ

قلت الا بلا

قال الله حيّه وش جايبك هنا والله طالت رجليك ومنتب سهل يا ولد فلان

انا انبلهت وماادري وش اقول قلت انت تعرفني ومن انت ؟
قال انا اعرف ابوك واعرف عمانك ومناسبينكم بعد

بس مت من الضحك يوم قال لي شف لا تعلم ابوك انك شفتني هنا ترى ابوك يقدرني ويعزني وانا جاي في عمل مهوب زييك

قلت وش شفت عاد انا جالس في مطعم مهوب مرقص

ضحك وقال امزح معك يارجال بس ولو لا تقول شي احسن لي ولك

وهذي كانت المفاجئه الثانيه واللي ماكانت على البال وصارت اثنين في واحد

ويوم قلت للي كانوا معي ماتوا من الضحك وفعلا الدنيا صغيره وين تروح ولو تروح لسطح القمر بتلقى من يعرفك

وآسف على الاطاله بس المخرج عاوز كذا

فتكم بعافيه

21-04-2008, 00:10	#23
عبدالرحمن الربيّع رفيــق الحــزن	رد : عندي لك مفاجأه .. مساكم الله بالخير .. المفاجئه الثانيه لي وماكنت تخطر على بالي ولا بالاحلام وهي مفاجئتين في واحد مثل بيرت بلس 2×1 شامبو وبلسم قبل كم سنه كنت ناوي اخت ( اسافر ) لاحد الدير اللي يراح لها بطياره ولا كنت ابي احد يدري كنت وقتها في الشرقيه ادرس هناك وكانت فرصه للنحشه من هناك k3 المهم كان فيه اجازه وش لون اصرفهم وش لوووون يادحمي اقصد اهلي المفروض اجي للرياض دقيت على الوالده وقلت عندي شغل وتطبيق لمده عشرة ايام وبعدها بجي ومشّيت السالفه عليها الله لا يعاقبني واروح واتقضى للسفره وطبعا لحالي ما معي احد واطق ام التشخيصه واروح للمطار كني فريد الاطرش في فلم لحن الخلود وبعد ما وصلت اول يوم نمت الين العشاء وقمت وقلت ابروح اتعشاء واتمشى وادوج ودخلت مكان ما <<<< مشفر عشان الرقابه وكانو حاطين اغنيه فوق هام السحب ويطقني الحماس واقعد اهابد معهم وكان زحمه يادنيا زحمه وانواع الهبال وانا في غفلتي وانا راجع على وراي الا واصدم في شخص والتفت عشان اعتذر له الا هو احد زملاء الدراسه بشحمه ولحمه ومن زمان ما شفته ونوقف انا واياه فاتحين خششنا ونطالع في بعض طبعا ماهناك ميانه بيننا ولا كنت ولا واحد في الميه اتوقع اشوفه في هالديره ولهو بعد وكانت مفاجئه كبيره بالنسبه لي وخصوصا كان يعرف اخوي اكثر مني ومتواصل معه قلت في نفسي رحنا ملح بس طلع ذوووق وقال استر على ما واجهت هذي الاولى !!!!! الثانيه الرجال هذا عزمني اليوم الثاني في مطعم ورحت له وكان معه صديق له عرفني عليه وجلسنا نسولف عن ايام زمان وحنا نتعشى اطالع بالزاويه هنااااااااااك الا واحد وكان كبير في السن يشيلني ويحطني ويتمقل فيني قلت الاخ مشبه والا شارب والا لحيه وبصراحه بديت اقلق ولاحظوا اللي معي الارتباك علي وسألوني وش فيك عسى ما شر قلت لهم هذا الرجال امتحني وهو بيركد والا ابتفاهم معه قالوا الشباب اركد مانبي المشاكل بس ماش ماهنى لي بال قمت ورحت له وقلت وش فيك انت مشبه ولا مضيع لك مفاتيح في وجهي والا مثقل العيار ابتسم بكل هدوووء وقال انت ولد فلان بن فلان ؟؟ صح والا لأ قلت الا بلا قال الله حيّه وش جايبك هنا والله طالت رجليك ومنتب سهل يا ولد فلان انا انبلهت وماادري وش اقول قلت انت تعرفني ومن انت ؟ قال انا اعرف ابوك واعرف عمانك ومناسبينكم بعد بس مت من الضحك يوم قال لي شف لا تعلم ابوك انك شفتني هنا ترى ابوك يقدرني ويعزني وانا جاي في عمل مهوب زييك قلت وش شفت عاد انا جالس في مطعم مهوب مرقص ضحك وقال امزح معك يارجال بس ولو لا تقول شي احسن لي ولك وهذي كانت المفاجئه الثانيه واللي ماكانت على البال وصارت اثنين في واحد ويوم قلت للي كانوا معي ماتوا من الضحك وفعلا الدنيا صغيره وين تروح ولو تروح لسطح القمر بتلقى من يعرفك وآسف على الاطاله بس المخرج عاوز كذا فتكم بعافيه التوقيع: وين اروح ؟ وانا باقي في قلبي جرووح ! اخر تعديل كان بواسطة » عبدالرحمن الربيّع في يوم » 21-04-2008 عند الساعة » 00:34.