|
رد : بانتظارك ..! ( 2 )
بانتظارك من فجرْ ..
فتّحْ عيونُه عليكْ ..
كل أيامي شِعِرْ
تكتبُهْ رعشةْ يديكْ ..
0
0
ياحنين الذكرياتْ .. وياسواليف الغِنا ..
ياحكايه من حياةْ .. عشتها وانتي : (أنا )
لو تحرّيتك شِعِر .. صرت كلي بانتظارك
لو تمنيتك عمر .. عشت عمري باختيارك
ياحنونه ..
ياحمامْة فوق غصنٍ كلهم يبـ يقطفونه
يا أمل لو يعرفونه ..
صارت الدنيا هوى
كان حظيــ بك دفا
وكان حظكــــ ـبي وفا
حظنا عشنا سوى
انتظرك وتفرحين ..
اصْدقك وتصادقينْ ..
والحكي ينثر شجونه ..
بانتظارك تضحكين ..
لاكتبتك نايمة ..
تسأليني : ( فيه شيء .. )؟! ..
وافرح انك قايمة ..
أوعدك ..نب نلتقي .. واترك ذنوبي وراي ..
شيبتين افــ مفرقي .. وعفّتك قِبلة هوايْ
قلت وش رايك .. ( ثمان ) ؟
قلتي أحسن لي معك
غامت عيوني شوي .. كنها صارت ثمان ..
كني الحين أسمعك .. تحت محراب الآمانْ
غسلتْ وجهي يدي.. برجفة احساس الحنان ...!
وغاب صوتكْ
بانتظارك من جديد ..
كل لحظة ( داخل اسوار انتظارك ) تحتري مليون عيد ..
بانتظارك ..من قريب .. ومن غريب ومن بعيد ..!
|