|
خـفــــــــــايــا شـــــــــــوق
يعذّبني سهر ليلي ولـه واشواق مذعوره
،،،،،،،،،،،،،،،،،،، افل شراع وجداني عسى بعض الامل لافي
اسلّي صحوة الواقع ويغالط حلمي شعوره
،،،،،،،،،،،،،،،،،،، اماني من ردى حظي تموت برعشة اطرافي
اقوم اراجع افكاري واثر مسافتي صوره
،،،،،،،،،،،،،،،،،،، اقلبها على صـدرٍ تمكّـن بـه الـم خافي
تعانقها العيون اللي من الحرمان مقهوره
،،،،،،،،،،،،،،،،،،، عشمها كفك البارد يكفكف دمعها الدافي
وانا رجواي في وقفه قبل شهرين مهجوره
،،،،،،،،،،،،،،،،،،، لها في داخلي حسره تطوف تصيح ياكافي
عليك البارح تنادي خواطر منك مكسوره
،،،،،،،،،،،،،،،،،،، تعالي حلّي بدارٍ دفـن بابـه ذرا السـافي
ابيك اقرب من الذكرى..ابيك اوفى من الصوره
،،،،،،،،،،،،،،،،،،، ترى نصف البشر عاشق ولكن كم بهم وافي ؟!
وهم .. او حلم .. او واقع .. ابي في حبنا ثوره
،،،،،،،،،،،،،،،،،،، ذبل صبري من الفرقى شكى بردي من لحافي
ذبحني طول مسراها ليالي تـفـتـقـد نـوره
،،،،،،،،،،،،،،،،،،، خفايا شوق تمشي بي على جمر السهر حافي
محمد الغيث
|